Joao Pedro ត្រៀមចូលលេងក្នុង Club World Cup

     Joao Pedro បានក្លាយជាកីឡាករចុងក្រោយបំផុតសម្រាប់ក្លឹបតោខៀវ អតីតកីឡាករ នៅក្លឹប Brighton មានសិទ្ធិចូលលេងក្នុងការប្រកួតនាពេលខាងមុខជាមួយ Palmeiras ។

Chelsea បានបញ្ជាក់ពីការចុះហត្ថលេខាលើ Joao Pedro ពី Brighton ក្នុងតម្លៃប៉ាន់ស្មាន 60 លានផោន ខ្សែ​ប្រយុទ្ធ​ប្រេស៊ីល​ក្លាយ​ជា​កីឡាករ​ចំណូល​ថ្មី​បំផុត​ក្រោម​ការ​ដឹកនាំ​របស់​អ្នក​ចាត់​ការ​ Enzo Maresca។

Pedro កើតនៅថ្ងៃទី26​​ខែ​កញ្ញា​ឆ្នាំ2001 មានកំពស់1,82 m    កីឡាករវ័យ 23 ឆ្នាំរូបនេះបានហោះពីប្រទេសប្រេស៊ីលទៅកាន់សហរដ្ឋអាមេរិកកាលពីយប់ថ្ងៃអាទិត្យដើម្បីជួបមិត្តរួមក្រុមថ្មីរបស់គាត់ និងទទួលការពិនិត្យសុខភាពផងដែរ។

​​​​   ​    Chelsea បានប្រកាសពីការចុះហត្ថលេខាជាមួយនឹងវីដេអូរបស់ Pedro លេងបាល់នៅលើឆ្នេរទៅកាន់តន្ត្រី jazz របស់ប្រេស៊ីល រួមជាមួយនឹងចំណងជើងថា “សូមស្វាគមន៍ការមកកាន់ Chelsea, Joao Pedro” ។

  ​      ឥឡូវនេះ Pedro មានសិទ្ធិលេងឱ្យ Chelsea ក្នុងការប្រកួត Club World Cup វគ្គ៨ក្រុមចុងក្រោយទល់នឹង Palmeiras បន្ទាប់ពីក្រុមតោខៀវបានយកឈ្នះក្រុម Benficaដោយលទ្ធផល ៤-១ ក្នុងវគ្គ១៦ក្រុមចុងក្រោយ ​ ​ កិច្ចសន្យារបស់ Pedro ជាមួយ Chelsea ត្រូវបានគេនិយាយថាមានរយៈពេលរហូតដល់ 8 ឆ្នាំ ដែលជាកិច្ចសន្យារយៈពេលវែងដ៏កម្រមួយសម្រាប់កីឡាករវយ័ក្មេង។