Ousmane Dembele បានឈ្នះពានរង្វាន់ Ballon d’Or លើកដំបូងរបស់គាត់សម្រាប់រដូវកាល 2024-25 ដ៏អស្ចារ្យរបស់គាត់កាលពីខែតុលា ឆ្នាំមុន។ គាត់បានចូលរួមចំណែកក្នុងប្រវត្តិសាស្ត្ររបស់ក្រុម Paris Saint-Germain (PSG) ជាកន្លែងដែលពួកគេបានឈ្នះពានរង្វាន់បីក្រោមការដឹកនាំរបស់ លោក Luis Enrique រួមទាំង Champions League លើកដំបូងក្នុងប្រវត្តិសាស្ត្រផងដែរ ដោយ Dembele រកបាន 35 គ្រាប់ និង assist 16 គ្រាប់ក្នុង 53 ប្រកួតនៅទូទាំងការប្រកួតសម្រាប់ក្រុមបារាំង។ គាត់ក៏ជាអ្នករកគ្រាប់បាល់បានច្រើនជាងគេនៅ Ligue 1 ដោយរកបាន 21 គ្រាប់ផងដែរ។

នៅក្នុងបទសម្ភាសន៍ជាមួយ SofaScore តារាឆ្នើម Raphinha របស់ក្រុម Barcelona បានអះអាងថា គាត់សមនឹងទទួលបានចំណាត់ថ្នាក់លេខមួយនៅក្នុងចំណាត់ថ្នាក់របស់ France Football លើសពី Ousmane Dembele។ កីឡាករប្រេស៊ីលរូបនេះត្រូវបានគេចាត់ទុកថាជាអ្នកប្រជែងដ៏សំខាន់សម្រាប់ ពានរង្វាន់មួយនេះ ប៉ុន្តែបានជាប់ចំណាត់ថ្នាក់លេខប្រាំ។

ខ្ញុំគិតថាខ្ញុំសមនឹងទទួលបានចំណាត់ថ្នាក់លេខមួយក្នុងពានរង្វាន់ Ballon D’Or សម្រាប់ពានរង្វាន់ដែលខ្ញុំបានឈ្នះ លេខដែលខ្ញុំសម្រេចបាន និងអ្វីគ្រប់យ៉ាងដែលខ្ញុំបានចូលរួមចំណែក។ វាជាពានរង្វាន់ដែលផ្អែកលើការប្រកួតប្រជែង តែមួយហើយ Dembélé ក៏សមនឹងទទួលបានវាដែរ ប៉ុន្តែប្រសិនបើយើង និយាយអំពីរដូវកាលទាំងមូល ខ្ញុំគិតថាខ្ញុំសមនឹងទទួលបានជាង។

Raphinha គឺជាកីឡាករម្នាក់ក្នុងចំណោមកីឡាករដែលលេងបានល្អបំផុតនៅក្នុងរដូវកាល 2024-25 ដោយស៊ុតបញ្ចូលទីបាន 34 គ្រាប់ និងបញ្ជូនបាល់ឲ្យមិត្តរួមក្រុមបាន 26 គ្រាប់ក្នុងការប្រកួត ចំនួន 57 លើក។ គាត់ក៏បានឈ្នះពានរង្វាន់ក្នុងស្រុកចំនួនបីជាមួយ ក្រុម Barcelona ផងដែរ រួមមាន LaLiga, Copa Del Rey និង Supercopa de España។ គាត់ក៏បានដឹកនាំក្រុម Catalans ទៅកាន់វគ្គពាក់កណ្តាលផ្តាច់ព្រ័ត្រ UEFA Champions League រួមជាមួយនឹងការក្លាយជា អ្នករកគ្រាប់បាល់បានច្រើនជាងគេក្នុងការប្រកួត។