ប្រធានក្លឹប Real Madrid លោក Florentino Perez មានបំណងចង់ចុះហត្ថលេខាលើតារាឆ្នើមរបស់ Manchester City Erling Haaland ប្រសិនបើខ្សែប្រយុទ្ធ Vinicius Jr ចាកចេញពីកីឡដ្ឋាន Santiago Bernabeu នៅរដូវក្តៅនេះ។ កីឡាករសញ្ជាតិប្រេស៊ីលរូបនេះត្រូវបានផ្សារភ្ជាប់ជាមួយនឹងការផ្លាស់ប្តូរដែលរកប្រាក់បានច្រើនទៅកាន់ Saudi Pro League ចំពេលមានការចរចា សម្រាប់ប្រាក់ឈ្នួលខ្ពស់នៅក្នុងទីក្រុង Madrid ។

Vinicius ត្រូវបានគេចាត់ទុកយ៉ាងទូលំទូលាយថាជាអ្នកវាយសម្រុកដ៏ល្អបំផុតម្នាក់ក្នុងពិភពបាល់ទាត់នៅ ពេលនេះ ។ គាត់ស៊ុតបញ្ចូលទីបាន 106 គ្រាប់ និង 83 assists ក្នុងការបង្ហាញខ្លួន 322 ប្រគួតសម្រាប់ Real Madrid នៅគ្រប់ការប្រកួតទាំងអស់។​

យោងតាមរបាយការណ៍ពី Marca ខ្សែបម្រើស្លាបវ័យ 25 ឆ្នាំរូបនេះបានជួបជាមួយ តំណាង Saudi Pro League រួចហើយនៅឆ្នាំ 2023 ដើម្បីពិភាក្សាពីចក្ខុវិស័យ និងគម្រោងរបស់លីក។ របាយការណ៍បានអះអាងថា Vinicius ដែលកិច្ចសន្យាបច្ចុប្បន្ននៅ Real Madrid មានរហូតដល់ឆ្នាំ 2027 បានទាមទារប្រាក់ឈ្នួលខ្ពស់ជាង Kylian Mbappe អំឡុងពេលចរចាលើការបន្តកុងត្រា។ ម៉្យាងវិញទៀត SPL ត្រូវបានគេរាយការណ៍ថាបានកំណត់កិច្ចព្រមព្រៀងដែលមានតម្លៃ 1 ពាន់លានអឺរ៉ូក្នុងរយៈពេល 5 រដូវកាល ។​​

ជុំវិញភាពមិនប្រាកដប្រជារបស់ Vinicius ប្រធានក្លឹប Real លោក Perez មានបំណងចុះហត្ថលេខាលើ Haaland ដើម្បីជំនួស Vinicius ប្រសិនបើគាត់ចាកចេញពីក្លឹប។ បុរសវ័យ 78 ឆ្នាំរូបនេះចង់បានកីឡាករសញ្ជាតិន័រវេសរូបនេះ ដោយស៊ុតបញ្ចូលទីបាន 124 គ្រាប់ និងបញ្ជូនបាល់ឱ្យមិត្តរួមក្រុមបាន 21 ដងក្នុងការបង្ហាញខ្លួន 146 លើកសម្រាប់ក្រុម Manchester City ដើម្បីបង្កើតជាខ្សែ ប្រយុទ្ធដ៏សាហាវមួយរូបជាមួយ Mbappe ។