បន្ទាប់ពី Hugo Ekitike ក្រុម Anfield បានបន្តធ្វើកិច្ចចរចាជាមួយ Alexander Isak  ដែលកិច្ចព្រមព្រៀងនេះមានតម្លៃ 100 លានផោនកំពុងត្រូវបានរៀបចំ ខណៈដែលខ្សែប្រយុទ្ធស៊ុយអែតបានយល់ព្រមចូលរួមជាមួយ Liverpool ។

យោងតាមសារព័ត៌មាន Sky Sports Switzerland បានឱ្យដឹងថា ខ្សែប្រយុទ្ធ Alexander Isak បានយល់ព្រមលើលក្ខខណ្ឌផ្ទាល់ខ្លួនជាមួយ Liverpool ក្នុងកិច្ចសន្យារយៈពេល 5 ឆ្នាំ ដោយបានត្រួសត្រាយផ្លូវសម្រាប់ ម្ចាស់ជើងឯក Premier League ក្នុងការផ្តល់ជូនជាផ្លូវការជាលើកដំបូងរបស់ពួកគេទៅកាន់ Newcastle ។ បើទោះជាពេលបច្ចុប្បន្ននេះ Newcastle ដាក់តម្លៃលើ Isak ក្នុងតម្លៃ 150 លានផោនក៏ដោយ ប៉ុន្តែក្លឹប Anfield ជឿជាក់ថាពួកគេអាចបិទកិច្ចព្រមព្រៀងនេះក្នុងតម្លៃប្រហែល 120 លានផោន ។

កិច្ចព្រមព្រៀងរបស់ Isak ចំពោះលក្ខខណ្ឌផ្ទាល់ខ្លួនបានកើតឡើងនៅពេលដែល Liverpool បង្កើន សកម្មភាព ផ្ទេរ របស់ពួកគេ ។ កាល​ពី​រដូវ​កាល​មុន ខ្សែ​ប្រយុទ្ធ​សញ្ជាតិ​ស៊ុយអែត​រូប​នេះ​បាន​ធ្វើ​ឲ្យ​មានការចាប់អារម្មណ៍ជាខ្លាំងអំពី​ល្បឿន និង សមត្ថភាព​បញ្ចប់​ទីដ៏អស្ចារ្យរួមទាំង​ទម្រង់​លេង​ដែលអាច​បត់បែន​បាន។ ជាមួយនឹងការចាកចេញរបស់កីឡាករសំខាន់ៗមួយចំនួនក្នុងការវាយប្រហាររបស់ Liverpool នោះ Isak ត្រូវបានគេរំពឹងថានឹងក្លាយជាខ្សែប្រយុទ្ធលេខមួយថ្មីក្រោមការដឹកនាំរបស់គ្រូបង្វឹក Arne Slot ។