Cole Palmer មានសារៈសំខាន់ចំពោះ Chelsea ដែលប្រាថ្នាចង់ឈ្នះ Premier League នៅរដូវកាលនេះ

Chelsea ដែលបានបញ្ចប់ក្នុងចំណាត់ថ្នាក់លេខ 4 ក្នុងក្របខ័ណ្ឌ Premier League ក្នុងឆ្នាំ 2024-25 នឹងមានបំណងប្រជែងដណ្តើមពាននៅរដូវកាលថ្មីនេះ។ Palmer គឺជាកីឡាករដ៏សំខាន់បំផុតមួយរបស់ពួកគេ ប្រសិនបើទម្រង់លេងរបស់គាត់នៅតែល្អ ដូចដែលគាត់បានបង្ហាញជាមួយនឹងភាពវៃឆ្លាតរបស់គាត់នៅក្នុង Club World Cup ។

ក្រោមការដឹកនាំរបស់អ្នកចាត់ការ Enzo Maresca Chelsea ក៏បានឈ្នះពានរង្វាន់ UEFA Europa Conference League កាលពីរដូវកាលមុន។ Palmer គឺជាកីឡាករសំខាន់ក្នុងការឈ្នះពាននោះផងដែរ ដោយស៊ុតបញ្ចូលទីបានពីរគ្រាប់ក្នុងការទទួលជ័យជម្នះ 4-1 ក្នុងវគ្គផ្តាច់ព្រ័ត្រលើ ក្រុម Real Betis ។

នៅឆ្នាំ 2024-25 កីឡាករសញ្ជាតិអង់គ្លេសរូបនេះស្ថិតក្នុងទម្រង់លេងដ៏ល្អសម្រាប់ក្រុមតោខៀវ ដោយស៊ុតបញ្ចូលទីបាន 18 គ្រាប់ និងបញ្ជូនបាល់ឱ្យមិត្តរួមក្រុមចំនួន 13 លើកក្នុងការបង្ហាញខ្លួនចំនួន 51 ដងគ្រប់ការប្រកួតទាំងអស់។ ទោះជាយ៉ាងណាក៏ដោយ Chelsea មិនមានបំណងពឹងផ្អែកតែលើ Palmer ម្នាក់ក្នុងរដូវកាលខាងមុខនេះទេ ដោយបានចុះហត្ថលេខាលើកិច្ចសន្យាធំៗមួយចំនួនទៀត។

ក្នុងចំណោមកីឡាករថ្មីទាំងអស់រួមមាន Jamie Gittens ដែលផ្ទេរពី Borussia Dortmund ក្នុង តម្លៃ 64.4 លានអឺរ៉ូ។ ខ្សែប្រយុទ្ធ Joao Pedro មកពី Brighton ក្នុងតម្លៃ 63.7 លានអឺរ៉ូ។

ទន្ទឹមនឹងនោះ Ipswich Town បានចែកផ្លូវជាមួយខ្សែប្រយុទ្ធឆ្នើម Liam Delap ដែលបានធ្វើដំណើរទៅ កាន់ទីក្រុងឡុងដ៍ក្នុងតម្លៃ ៣៥.៥ លានអឺរ៉ូ។ Kendry Paez, Mamadou Sarr និង Dario Essugo គឺជាកីឡាករមួយចំនួនទៀតដែលពួកគេបាននាំចូលនៅរដូវក្តៅនេះ។